ای ٹی وی بھارت سے خصوصی بات چیت کرتے ہوئے اجمیر درگاہ کے گدی نشین حاجی سید سرور چشتی لوجہاد پروپگنڈہ کی سخت مذمت کرتے ہوئے کہا کہ ’دراصل فرقہ پرست طاقتیں مسلمانوں کو جہاد کا درس دے رہی ہیں جبکہ مسلمان اسے بھول چکے ہیں‘۔
فرقہ پرست طاقتیں ملک کی پرامن فضا کو مکدر کرنا چاہتے ہیں: سرور چشتی
انہوں نے بہار میں گلناز خاتون کے قتل معاملے پر سوال اٹھائے اور قاتلوں کو سخت سزا دینے کا مطالبہ کیا۔ انہوں نے بی جے پی رہنما شاہنواز حسین اور مختار عباس نقوی کی طرف اشارہ کرتے ہوئے سوال کیا کہ لوجہاد کا راگ الاپنے والے ان کی شادیوں پر خاموش کیوں ہیں؟۔
سرور چشتی، اجمیر شریف درگاہ انجمن سید زادگان کے سابق سکریٹری ہیں جبکہ وہ اکثر سوشل میڈیا پر مسلمانوں تائید میں آواز بلند کرتے رہے ہیں۔ انہوں نے این آر سی، سی اے اے، تین طلاق جیسے اہم مسائل پر کھل کر اور بے باکی سے اپنی بات رکھی تھی اور حکومت کے اقدامات پر تنقید کی تھی۔
