راجستھان کے دارالحکومت جے پور میں سوشل ڈیموکریٹک پارٹی آف انڈیا کی ریاستی سطح کی کمیٹی کے لئے انتخاب میں رضوان خان کو دوبارہ سے راجستھان کا ریاستی صدر منتخب کیا گیا ہے۔
اس کمیٹی میں نائب صدر کے طور پر انیس انصاری اور گروجنٹ سنگھ کا انتخاب کیا گیا۔ وہیں جنرل سیکریٹری یونس اغوان اور محبوب علی کو بنایا گیا ہے۔ سیکرٹری کی ذمہ داری مہرالنساء خان، ڈاکٹر شہاب الدین خان، صادق، عبدالرزاق کو سونپی گئی ہے۔
ممبر کے طور پر مہرالنساء خان، فریدہ سید، محبوب عثمانی، مرتضی، مبارک انصاری، ذاکر حسین، ذیشان علی، زاہد مرزا، عبد العزیز، قاسم علی اور صغیر احمد کو منتخب کیا گیا ہے۔
یہ بھی پڑھیں: سرینگر - شارجہ پرواز: پاکستان نے فضائی حدود استعمال کرنے کی اجازت نہیں دی
واضح رہے کہ کمیٹی کے نو منتخب ممبران کو حلف دلاتے ہوئے حوصلہ افزائی بھی کی گئی۔ اس دوران سوشل ڈیموکریٹک پارٹی آف انڈیا کے قومی سطح کے ذمہ داروں سمیت دیگر لوگ موجود تھے۔
