ریاست راجستھان کے اجمیر شریف میں سرکار فاؤنڈیشن کی جانب سے ضرورت مندوں کو کھانے پینے کی اشیاء فراہم کرائی جا رہی ہے۔
اجمیر: ضرورت مندوں میں راشن کیٹ تقسیم
سلطان الہند حضرت خواجہ معین الدین چشتی رحمۃ اللہ علیہ کی درگاہ کے خادم سیّد فخر معین چشتی کہ مطابق انسانیت کا بڑا پیغام غریبوں اور ضرورت مندوں کی مدد کرنا ہے، یہی وجہ ہے کہ سلطان غریب نواز کے پیغام کو عام کرتے ہوئے کورونا وبا سے متاثر مصیبت زدہ کی مدد کے لیے کھانے پینے کی اشیاء لوگوں میں تقسیم کی جا رہی ہے۔
سرکار فاؤنڈیشن کی جانب سے درگاہ علاقے کے موتی قتلہ چوک میں کورونا گائیڈ لائن کے تحت سماجی دوری اختیار کرتے ہوئے ضرورت مندوں کو راشن کیٹ (آٹا، دال، چاول، شکّر، پتی و دیگر اشیاء) تقسیم کیے گئے۔
درگاہ کے خادم سیّد فخر معین چشتی نے کہا ہے کہ فاؤنڈیشن کی جانب سے اس طرح کے کار خیر آئندہ بھی انجام دیے جاتے رہیں گے۔
