گہلوت اور پائلٹ ایک دوسرے سے بغل گیر

راجستھان میں سیاسی بحران کے بادل ایک ماہ بعد اب صاف ہوتے نظر آ رہے ہیں۔ سچن پائلٹ اور ان کے حامی اراکین اسمبلی جمعرات کو وزیراعلی کی رہائش گاہ پر منعقدہ میٹنگ میں موجود تھے۔ اس دوران سچن پائلٹ، وزیر اعلیٰ گہلوت کے ساتھ موجود تھے۔ جس سے یہ سمجھا جا رہا ہے کہ اس میٹنگ میں انہیں مساوی اہمیت دی گئی ہے۔

راجستھان کی کانگریس پارٹی میں آئی سیاسی رسہ کشی جمعرات کو قریب قریب ختم ہوچکی ہے۔ سابق نائب وزیر اعلی سچن پائلٹ اور ان کے 18 حامی ایم ایل اے کانگریس کے پلیٹ فارم پر نظر آئے۔ اراکین اسمبلی کی میٹنگ کی تصویریں صاف بیان کرتی ہیں کہ سیاست میں کب کیا ہو جائے، کچھ کہا نہیں جا سکتا ہے۔

جہاں کچھ روز قبل اراکین اسمبلی ایک دوسرے پر الزام تراشی کر رہے تھے۔ وہیں، آج ایک دوسرے کے بغل میں بیٹھے دکھائی دیے۔ منچ پر وزیر اعلیٰ اشوک گہلوت کے بغل میں سابق نائب وزیر اعلیٰ سچن پائلٹ موجود تھے۔ اس سے یہ بات صاف دکھائی دے رہی ہے کہ اراکین اسمبلی کی میٹنگ میں سچن پائلٹ کو بھی مساوی اہمیت دی گئی۔

سچن پائلٹ کے ساتھ، پارٹی کے جنرل سکریٹری کے سی وینوگوپال کو بھی موجود تھے۔ میٹنگ میں سب سے پہلے کانگریس کے ترجمان راجیو تیاگی کو 2 منٹ کی خاموشی اختیار کرکے خراج تحسین پیش کیا گیا۔

اس کے بعد، اسٹیج پر موجود تمام ایم ایل ایز نے وکٹری سائن کا اشارہ کر یہ بتانے کی کوشش کی کہ اب کانگریس پارٹی متحد ہے۔

میٹنگ کے دوران گووند ڈوٹاسارا، اویناش پانڈے، سچن پائلٹ، اشوک گہلوت، کے سی وینوگوپال، رندیپ سرجے والا، اجے ماکن، رگھوویر مینا، مہیش جوشی، مہندر چودھری ایک ساتھ اسٹیج پر نظر آئے۔ وہیں اب سب کی نگاہیں اس پر ہیں کہ سبھی اراکین اسمبلی ہوٹل کی باڑے بندی میں جاتے ہیں یا نہیں۔

راجستھان میں بھلے ہی اب کانگریس اراکین اسمبلی کی تصویریں ایک ساتھ دکھائی دے رہی ہیں۔ لیکن اب ہر کسی کی نظر اس بات پر ہے کہ اس میٹنگ کے بعد کیا ہوگا؟

کیا سبھی اراکین اسمبلی ایک ساتھ بسوں میں بیٹھ کر ہوٹل فیئرماؤنٹ جائیں گے یا پھر سچن پائلٹ کیمپ کے اراکین اسمبلی پہلے کی طرح ہوٹل کی باڑے بندی سے دور رہیں گے۔