اجمیر کے دیوان نے 370 کے فیصلے کا استقبال کیا

اجمیر شریف درگاہ کے دیوان سید زین العابدین نے جموں و کشمیر میں آرٹیکل 370 کو منسوخ کرنے والے فیصلے کو تاریخی فیصلہ قرار دیا۔

سید زین العابدین نے ملک کے وزیراعظم اور وزیر داخلہ کو مبارک باد دی اور کشمیر کے لوگوں کو اس فیصلے کو ماننے کی اپیل کی۔

سید زین العابدین نے کہا کہ یہ تاریخی دن ہے۔گزشتہ 70 برسوں میں یہ معاملہ الجھا ہوا تھا اب اس معاملے کو حل کیا گیا ہے۔

واضح رہے کہ 5 اگست کومرکزی حکومت نے جموں و کشمیر میں آرٹیکل 370 اور 35 اے کو منسوخ کردیا تھا۔
انہوں نے مزید کہا کہ ہم اس فیصلے کا استقبال کرتے ہیں۔ لداخ کے حق میں صحیح فیصلہ کیا گیا ۔اس فیصلے سے ترقی کے راستے کھلیں گے۔
درگاہ دیوان نے کہا کہ اس فیصلے سے کشمیر کے لوگوں کو روزگار اور تعلیم ملے گی۔یہ ملک کے لیے فخر کی بات ہے۔