راجستھان وقف بورڈ کے چیئرمین انتخابات کے تعلق سے ضلع کلیکٹر جگروپ سنگھ یادو نے ایک پریس نوٹ بھی جاری کیا گیا ہے۔
جس میں بتایا گیا ہے کہ وقف بورڈ چیئرمین کے انتخابات کی تاریخ 25 نومبر طئے کی گئی ہے اور اس روز جئے پور کے جوتی نگر میں واقع ریاستی وقف بورڈ دفتر میں صبح 11 بجے سے 12 بجے تک انتخاب آفیسر کے پاس امیدوار اپنا پرچہ داخل کروا سکتے ہیں۔
دوپہر تین بجے تک ان پرچوں کی تحقیقات کی جائے گی اور اگر ایک سے زائد پرچۂ نامزدگی داخل کیے جاتے ہیں تو تبھی انتخابات منعقد کرائے جائیں گے ، اگر ایک کے علاوہ کوئی دوسرا امیدوار اپنا پرچہ داخل نہیں کرتا ہے تب ملا مقابلہ ہی چیئرمین منتخب کرلیا جائے گا۔
واضح رہے کہ چیرمین کے انتخابات میں بورڈ کے نو اراکین ہی اپنا ووٹ دے سکتے ہیں۔ اس پورے انتخاب میں سماجی کارکن ہی چیئرمین کے لیے منتخب ہوتا ہے۔
وہیں اس بار کانگریس کے نائب ریاستی صدر خان کو وزیر اعلی اشوک گہلوت کی جانب سے امیدوار منتخب کیا گیا ہے۔ اس لیے اس انتخابات میں ان کی جیت یقینی مانی جارہی ہے
خیال رہے کہ ڈیڑھ برس قبل وقف بورڈ کے چیئرمین ابوبکر نقوی اور دو اراکین کو وقف بورڈ سے بے دخل کر دیا تھا جس کے بعد وقف بورڈ دفتر میں نہ تو کوئی نیا کام ہو سکا اور نہ ہی کوئی سرکای اسکیم کا نفاذ عمل میں آیا تب سے لے کر اب تک وقف بورڈ کے کافی زیادہ کام زیر التوأ ہیں۔
وقف بورڈ چیئرمین کے انتخابات کی تاریخ مقرر
