سینیئر رہنما سچن پائلٹ کے باغیانہ تیور کے بعد آج کانگریس نے انہیں پارٹی سے برطرف کر دیا ہے جس کے بعد گزشتہ کئی دنوں سے جاری سیاسی ہنگامہ آرائی تھمتی ہوئی نظر آرہی ہے۔
اس دوران ریاستی کانگریس انچارج اویناش پانڈے نے اسٹیٹ ایگزیکٹیو یونٹ سمیت پارٹی کے تمام ڈپارٹمنٹ اور سیل کو تحلیل کر دیا ہے۔
اویناش پانڈے نے کہا کہ پارٹی کی ریاستی اکائی کی نئی ایگزیکٹیو یونٹ اور تمام ڈپارٹمنٹ و سیل کو پردیش کانگریس کمیٹی کے نو منتخب چیف گووند سنگھ دوٹاسرا کی تقرری کے بعد نئے سرے سے تشکیل دی جائے گی۔
واضح رہے کہ گزشتہ کئی دنوں سے راجستھان میں سیاسی پارہ کافی بڑھا ہوا تھا اس دوران نائب وزیراعلیٰ سچن پائلٹ نے باغیانہ تیور اختیار کر رکھے تھے جس سے پارٹی میں ہلچل مچی ہوئی تھی لیکن کانگریس کے تمام ارکان اسمبلی کی میٹنگ کے بعد معاملہ صاف ہوگیا اور سچن پائلٹ کو پارٹی سے برطرف کر دیا گیا ہے۔
واضح رہے کہ ریاست میں جاری سیاسی بحران پر کانگریس نے اپنے تمام ارکان اسمبلی کی میٹنگ طلب کی تھی اور حتیٰ کہ میٹنگ میں شامل ہونے کے لیے وہیپ بھی جاری کیا تھا لیکن وہیپ جاری کرنے کے باوجو سچن پائلٹ میٹنگ میں شامل نہیں ہوئے جس کی پاداش میں انہیں پارٹی سے نکال دیا گیا۔
کانگریس نے لگاتار دو میٹنگیں طلب کی تھیں لیکن سچن پائلٹ نے ایک بھی میٹنگ میں شرکت نہیں کی جس کا خمیازہ انہیں بھگتنا پڑا۔
