جے پور: 20.15 کروڑ کی لاگت سے اقلیتی ہاسٹل تعمیر کرنے کا اعلان

راجستھان میں لڑکے اور لڑکیوں کے لیے 20.15 کروڑ کی لاگت سے ہاسٹل کی تعمیر کروائی جائے گی۔ ریاست کے اقلیتی وزیر صالح محمد نے بتایا کہ 2021-22 کے بجٹ میں راجستھان کے وزیر اعلی اشوک گہلوت کی جانب سے ان تمام ہاسٹل کا اعلان کیا گیا تھا اور اب اس اعلان کو عملی جامہ پہنایا جا رہا ہے۔

راجستھان حکومت میں اقلیتی وزیر صالح محمد نے بتایا کہ راجستھان کے اقلیتی طبقے کے لڑکے اور لڑکیوں کے لئے 20.15 کروڑ روپے خرچ سے ہاسٹل کی تعمیر کروائی جائے گی۔
انہوں نے بتایا کہ لڑکوں کا ہاسٹل جے پور، جودھ پور اور کوٹا میں تعمیر ہوں گا اور گڈراروڈ میں لڑکیوں کے ہاسٹل تعمیر کروائے جائیں گے۔ انہوں نے بتایا کہ راجستھان حکومت اقلیتی طلبا کو بہتر تعلیم کے ساتھ رہائشی سہولیات کی فراہمی کے لئے کوشاں ہے۔

2021-22 کے بجٹ میں راجستھان کے وزیر اعلی اشوک گہلوت کی جانب سے ان تمام ہاسٹل کا اعلان کیا گیا تھا اور اب اس اعلان کو عملی جامہ پہنایا جا رہا ہے۔

انہوں نے بتایا کہ لڑکوں کے ہاسٹل میں رہائش کی گنجائش 100 بیڈ اور لڑکیوں کے ہاسٹل کی گنجائش 50 بیڈ کی ہوگی۔

صالح محمد نے بتایا کہ راجستھان کی گہلوت حکومت اقلیتی برادری کی ہمہ جہتی ترقی کے لئے کوششیں کر رہی ہے، ہاسٹل کی تعمیر کے بعد راجستھان کے اقلیتی طبقے کے لڑکوں اور لڑکیوں کو جدید رہائشی سہولیات فراہم کروائی جائے گی۔