جے پور: راجستھان کانگریس کمیٹی نے ریاستی اسمبلی انتخابات کے لیے مزید 23 امیدواروں کے ناموں کے ساتھ چھٹی فہرست جاری کی ہے۔ کانگریس نے پبلک ہیلتھ انجینئرنگ ڈپارٹمنٹ کے وزیر مہیش جوشی کو جے پور شہر میں واقع ہوا محل حلقہ سے ٹکٹ دینے سے انکار کر دیا۔ اس حلقہ سے پارٹی کی جے پور سٹی یونٹ کے صدر آر آر تیواری کو مقابلہ کرنے کے لیے ٹکٹ دیا گیا ہے۔
شہری ترقیات اور مکانات کی وزیر شانتی دھاریوال کا نام اس فہرست میں شامل نہیں ہے۔ اب تک کانگریس نے کل 200 میں سے 178 نشستوں کے لیے اپنے امیدواروں کا اعلان کیا ہے۔ بھرت پور سیٹ راشٹریہ لوک دل کے ساتھ اتحاد کے ایک حصے کے طور پر خالی رہ گئی ہے۔
-
राजस्थान में होने वाले विधानसभा चुनाव, 2023 के लिए भारतीय राष्ट्रीय कांग्रेस द्वारा जारी उम्मीदवारों की सूची।#कांग्रेस_फिर_से#RajasthanAssemblyElection2023 pic.twitter.com/N0C3w1vHXP
— Rajasthan PCC (@INCRajasthan) November 4, 2023 " class="align-text-top noRightClick twitterSection" data="
">राजस्थान में होने वाले विधानसभा चुनाव, 2023 के लिए भारतीय राष्ट्रीय कांग्रेस द्वारा जारी उम्मीदवारों की सूची।#कांग्रेस_फिर_से#RajasthanAssemblyElection2023 pic.twitter.com/N0C3w1vHXP
— Rajasthan PCC (@INCRajasthan) November 4, 2023राजस्थान में होने वाले विधानसभा चुनाव, 2023 के लिए भारतीय राष्ट्रीय कांग्रेस द्वारा जारी उम्मीदवारों की सूची।#कांग्रेस_फिर_से#RajasthanAssemblyElection2023 pic.twitter.com/N0C3w1vHXP
— Rajasthan PCC (@INCRajasthan) November 4, 2023
ریاستی وزیر شانتی دھاریوال اور مہیش جوشی کو ستمبر 2022 کے آخری ہفتے میں پیش آنے والے اس واقعے کے بعد بد نظمی کے الزامات کا سامنا تھا۔ اسی وجہ سے دونوں رہنماوں کو اب تک کانگریس کی فہرست سے دور رکھا گیا ہے۔ ہوا محل سے مہیش جوشی کا ٹکٹ منسوخ کرکے پارٹی نے ایک نئے برہمن چہرے کو موقع دیا ہے۔ جس میں پارٹی نے نچلی سطح کے کارکنوں کو ٹکٹ دے کر آگے بڑھنے کا پیغام بھی دیا ہے۔ اسی طرح کوٹا نارتھ میں پارٹی نے ابھی تک کوئی فیصلہ نہیں لیا ہے۔
چھٹی فہرست میں کانگریس نے سچن پائلٹ کے قریبی ساتھی ابھیمنیو پونیا کا نام سنگاریہ سے، شہزاد خان سورساگر سے، اوم نارائنیوال کو بھیلواڑہ سے اور نعیم الدین گڈو کا نام لاڈپورہ سے ہے۔ کوٹہ کے لاڈپورہ سے مسلسل شکست کے باوجود کانگریس کی چھٹی فہرست میں نعیم الدین گڈو کو امیدوار بنایا گیا ہے۔ راجستھان میں امیدواروں کا انتخاب کانگریس ہائی کمان کے لیے کافی مشکل کا باعث بن رہا ہے جو ٹکٹوں کی تقسیم کی کشمکش میں پھنسی ہوئی ہے۔ کانگریس کی جانب سے 6 مرحلوں میں امیدواروں کا اعلان کرنے کے باوجود اب تک تمام 200 اسمبلی سیٹوں پر امیدواروں کو کھڑا نہیں کیا جاسکا ہے۔ چھٹی فہرست میں 23 نام سامنے آنے کے بعد بھی فی الحال مزید 21 امیدوار پارٹی کی فہرست کا انتظار کررہے ہیں۔
مزید پڑھیں: 'کانگریس حکومت سرحدی علاقوں میں سڑکیں بنانے سے ڈرتی تھی'
واضح رہے کہ راجستھان اسمبلی انتخابات کے لیے 25 نومبر کو ووٹ ڈالے جائیں گے جبکہ انتخابی نتائج کا اعلان 3 دسمبر کو کیا جائے گا۔ راجستھان کے علاوہ دیگر چار ریاستوں میں اسمبلی انتخابات نومبر میں ہی ہونے والے ہیں جبکہ ان انتخابات کے نتائج کا اعلان بھی 3 دسمبر کو ہی کیا جائے گا۔
