راجستھان مسلم فورم کے اراکین کسانوں کے احتجاج میں شامل ہوں گے

ملک بھر میں کسان زرعی قوانین کی مخالفت کر رہے ہیں، اسی تناظر میں راجستھان مسلم فورم بھی کسانوں کی حمایت دینے کے لیے جے پور سے شاہجہاں پور بارڈر روانہ ہوگا۔

راجستھان مسلم فورم کے عہدیداران اور کارکنان نے آج جے پور کے موتی ڈونگری روڈ علاقے میں واقع مسلم مسافر خانے سے روانہ ہوں گے، جہاں وہ کسانوں کی حمایت دینے کے لیے ہریانہ کے شاہجہاں پور بارڈر پر جائیں گے اور کسانوں کے احتجاجی مظاہرے میں شامل ہوں گے۔

راجستھان مسلم فورم کے سیکریٹری ناظم الدین نے ای ٹی وی بھارت سے خاص بات چیت کے دوران کہا کہ، 'جب سے تینوں زرعی قانون پاس ہوئے ہیں ہم تب سے اس کی مخالفت کر رہے ہیں۔ انہوں نے بتایا کہ آج ہم جے پور سے روانہ ہوں گے۔'

انہوں نے کہا کہ کسانوں کے جو مطالبات ہے، وہ جائز ہیں، اس لیے ہم دل سے کسانوں حمایت کرتے ہیں۔

راجستھان مسلم فورم کے اراکین کسانوں کے احتجاج میں شامل ہوں گے

ساتھ ہی انہوں نے کہا کہ فی الحال ہم آج ایک روز کے لیے ہی بارڈر پر جائیں گے اور ضرورت کے مطابق راجستھان میں بھی اب الگ جگہ پر مہم چلائی جائے گی۔

غورطلب ہے کہ کسانوں کی حمایت دینے کے لیے خواتین بھی بارڈر پر جا رہی ہیں، جو کسانوں کے احتجاج میں شرکت کریں گی۔