راجستھان کے وزیر اعلی اشوک گہلوت نے شمسی توانائی کی صلاحیت میں راجستھان کے اول آنے پر ریاست کے باشندوں کو مبارک باد دی۔
وزیراعلیٰ اشوک گہلوت نے ملک میں ریاست کو شمسی توانائی میں پہلے مقام پر آنے پر خوشی کا اظہارکرتے ہوئے ریاست کے لوگوں کو مبارک باد دی۔
گہلوت نے آج سوشل میڈیا کے ذریعہ اس پر ریاست کے عوام کو مبارک باددی۔ انہوں نے کہا کہ مجھے یہ بتاتے ہوئے خوشی ہورہی ہے کہ راجستھان 7738 میگاواٹ شمسی توانائی کی صلاحیت قائم کرکے ملک میں پہلے مقام پر آیا ہے۔
یہ بھی پڑھیں: امیزون سے ملی رشوت کی سپریم کورٹ کے جج سے جانچ کرائی جائے: کانگریس
انہوں نے کہا کہ یہ ہماری حکومت کے ذریعہ نافذ کی گئی شمسی توانائی پالیسی 2019 اور راجستھان انویسٹمنٹ پروموشن پالیسی 2019 کا نتیجہ ہے۔ میں اس حصولیابی کے لئے ریاست کے تمام لوگوں کو مبارک باددیتا ہوں۔
یو این آئی
