راجستھان حکومت کی جانب سے جاری نئی کورونا گائیڈ لائن کے مطابق کورونا ویکسین کی خوراک لینا ضروری بتایا گیا ہے، وہیں جن نجی دفاتر میں ملازمین کی تعداد 25 سے کم ہے، وہاں پر 100 فیصد ملازمین اور جن دفاتر میں ملازمین کی تعداد 25 یا 25 سے زیادہ ہے وہاں پر 50 فیصد ملازمین ہی کام کرسکیں گے۔
تمام سرکاری دفاتر کا وقت صبح ساڑھے 9 بجے سے شام کو چھ بجے تک رہے گا، سبھی دوکانوں، کلب، جم، ریسٹورنٹ سمیت دیگر دفاتر میں کام کرنے والے لوگوں کا ویکسینیشن ضروری ہوگا، کانوں میں کام کرنے والے 60 فیصد ملازمین کو کورونا ویکسین کی پہلی خوراک دی جا چکی ہے، دکانوں کو کھولنے کا وقت شام کو سات بجے تک کر دیا گیا ہے، وہیں پٹرول اور ڈیزل شام کو آٹھ بجے تک بھروا سکتے ہیں۔
شادی کی تقریب گھر یا کورٹ میں ہی کرنے کی اجازت ہوگی، وہیں یکم جولائی کے بعد ہونے والی شادی میں مختلف شرائط کے تحت اجازت دی جائے گی، ریاست کے تمام مذہبی مقامات کو صبح پانچ بجے سے شام کو چار بجے تک کھولنے کی اجازت دی گئی ہے، شہر میں سٹی بس صبح پانچ بجے سے شام کو 8 بجے تک چل سکے گی۔
