ضلع ناگور میں ہر برس حضرت سمن دیوان بابا رحمتہ اللہ علیہ کا عرس منایا جاتا ہے، لیکن اس بار کورونا وائرس کی وبا کی وجہ سے یہاں عرس کے موقع پر عقیدتمندوں کی کم تعداد نظر آئی۔
درگاہ کے سجادہ نشین نے بتایا کے حضرت سمن دیوان بابا رحمتہ اللہ علیہ کا عرس اسلامی برس کے آخر ماہ کی 5 تاریخ سے شروع ہوتا ہے اور بارہ تاریخ تک چھ روزہ یہ عرس مبارک مکمل ہوتا ہے۔
انہوں نے بتایا کے عرس کے پہلے روز پرچم کشائی کی روایت کے ساتھ ہی اس کا آغاز ہوتا ہے اور آخری روز کل کی روایت کے ساتھ یہاں سے مکمل ہوتا ہے اور اسی روز پرچم واپس اتارا جاتا ہے۔درگاہ کے سجادہ نشین نے بتایا کہ سمن دیوان بابا رحمتہ اللہ علیہ خواجہ صاحب کے پہلے دیوان تھے، انہوں نے بتایا کی آپ کی درگاہ میں جن لوگوں کی اولاد نہیں ہوتی وہ تمام لوگ یہاں پر آتے ہیں اور یہاں دعائیں کرتے ہیں جس کے بعد ان کو اولاد نصیب ہوتی ہے،
صدام حسین نے بتایا کہ یہاں سے کورونا وباء کے خاتمے کے لیے دعا کی گئی ہے، وہیں اس پورے عرس مبارک میں حکومتی گائیڈ لائن کا مکمل طور پر خیال رکھا گیا اور خاص طور پر یہاں پر سماجی دوری پر مکمل عمل کیا جارہا ہے۔
