راجستھان کے دارالحکومت جے پور کے آدرش نگری تھانہ علاقے میں ہفتے کےروز پٹواری امتحان کے دوران بلو ٹوتھ کے ذریعے نقل کرنے والے ایک امیدوار کو آدرش نگر پولیس نے گرفتار کیا ہے۔
یہ پوری کارروائی ہفتے کی صبح دس بجے کی بتائی جا رہی ہے۔ بڑا معاملہ پٹواری امتحان کے دوران سامنے آنے کے بعد آدرش نگر پولیس تھانے میں پولیس محکمہ کے اعلی افسر پہنچے اور یہاں پر جس امیدوار کو گرفتار کیا گیا ہے اس سے پوچھ گچھ کی جا رہی ہے۔
آدرس نگر تھانے کے انچارج وشنو کا کہنا ہے کہ 'ہم لوگوں کو پٹواری امتحان کے دوران یہ اطلاع ملی کے یہاں پر کوئی بلوٹوتھ ڈیوائس لے کر امتحان دینے کے لئے پہنچا ہے۔ جس کے بعد ہم لوگ ٹیم کے ساتھ موقع پر پہنچے اور اس کو ہراست میں لے لیا۔
یہ بھی پڑھیں:راجستھان میں پٹواری بھرتی کا امتحان شروع
جب ہم نے اس سے پوچھا تو اس طالب علم نے کہ اپنا نام ونود کمار مینا بتایا ، انچارج نے بتایا کہ جو بلوتوتھ ہم لوگوں کو ونود کے پاس سے برآمد ہوا ہے اس میں ایک سم بھی ملی ہے۔'
انہوں نے بتایا کہ اس معاملے میں مزید پوچھ تاچھ اور تحقیقات جاری ہے۔
