راجستھان کے اجمیر میں ایک والد نے اپنی دو معصوم بچیوں کا بے رحمی سے قتل کردیا اور اہلیہ کو بھی شدید طور پر چاقو سے زخمی کردیا، موقع پر پہنچی پولیس نے ملزم کو ہتھیار کے ساتھ گرفتار کرلیا ہے۔
اجمیر پولیس کے مطابق قاتل اجیت چیتا نام کا شخص ہے۔ جس کی خرواں علاقہ میں قصائی کی دکان ہے۔ گزشتہ کچھ وقت سے قاتل اجیت چیتا بے روزگاری اور گھریلو اخراجات کی تنگدستی کی وجہ سے دماغی طور پر پریشان تھا۔
اسی وجہ سے اس نے اپنا آپا کھودیا اور تیز ہتھیار سے اپنی دو معصوم بچیوں کا گلا کاٹ دیا۔ جب کہ بیمار بیوی کو بھی شدید زخمی کردیا جس نے گھر سے بھاگ کر اپنی جان بچائی۔ لوگوں نے بتایا کہ قاتل اجیت چیتا نے اپنی دو معصوم بچیوں کو موت کے گھاٹ اتارکر خود کو بھی چاقو سے زخمی کرلیا۔
مزید پڑھیں: بلند شہر میں پٹرول ڈال کر لڑکی زندہ نذر آتش
پڑوسی کی اطلاع پر خرواں پولیس موقع پر پہنچی اور واردات کی جگہ سے ہتھیار سمیت قاتل کو گرفتار کرلیا۔ زخمی خاتون کو علاج کے لئے ہسپتال میں بھرتی کرایا گیا ہے۔ فی الحال اس واردات سے پورے علاقے میں دہشت کا ماحول ہے۔
