بی جے پی اقلیتی مورچے کے رہنماؤں نے ریاست راجستھان کے گورنر سے ملاقات کی۔ گورنر سے ملاقات کے موقع پر انھوں نے ایک میموریڈم گورنر کو دیا۔ جس میں یہ مطالبہ کیا کہ راجستھان میں اقلیتوں کی جانب توجہ دی جائے۔
اس میمورنڈم میں یہ لکھا گیا کہ راجستھان میں اسسٹنٹ پروفیسر اردو کی 28 نشستیں خالی ہیں لیکن 18 دسمبر 2020 کو ایک نوٹ حکومت کی جانب سے جاری کیا گیا تھا جن میں پانچ سیٹ پر ہی درخواستیں مانگی گئی تھیں۔ اس موقع پر یہ اپیل کی گئی کہ تمام نشستوں کو پر کرنے کا اقدام کیا جائے۔
یہ بھی پڑھیں:کسان بی جے پی سے تنگ آچکے ہیں: گہلوت
راجستھان میں میناریٹی ہاسٹلز کی حالت کافی خراب ہے۔ ان ہاسٹلز کو درست کرنے کا اقدام کیا جائے۔ راجستھان کے مدارس میں پڑھانے والے اساتذہ یعنی مدرسہ پیرا ٹیچر کو جلد سے جلد مستقل کیا جائے۔ سرکاری اسکولوں میں اردو کا نصاب ابھی تک نہیں پہنچا ہے ان اسکولوں میں اردو کا سلیبس مہیا کروایا جائے۔ اس کے علاوہ دیگر مطالبات بھی میموریڈم میں شامل تھے۔
گورنر کو میمورنڈم دینے کے موقع پر بی جے پی اقلیتی مورچے کے ریاستی صدر ایم صادق خان سمیت اقلیتی مورچہ کے رہنما موجود رہے۔
