اودے پور شہر کے امباتا ماتا تھانہ میں درج کرائے گئے معاملے میں متاثرہ نے الزام لگایا کہ اچھی نوکری دلانے کا جھانسا دے کر رکن اسمبلی پرتاپ گمیتی نے اس سے دوستی کے لئے ہاتھ بڑھایا۔ اس کے بعد شادی کا جھانسا دیتے ہوئے اس کے ساتھ کئی بار جنسی زیادتی کی۔ خاتون کا کہنا ہےکہ رکن اسمبلی پرتاپ گمیتی نے اسے کئی بار جھانسا دیا ہے اور شادی کی بات کرنے پر اب اسے دھمکیاں دی جاتی ہیں۔
متاثرہ نے ضلع پولیس سپرنٹنڈنٹ منوج کمار چودھری کو درخواست سونپ کر شکایت درج کرائی تھی۔ پولیس نے متاثرہ کا بیان درج کرتے ہوئے میڈیکل کرایا۔
اڈیشنل پولیس سپرنٹنڈنٹ گوپال سوروپ میواڑا نے بتایا کہ امباماتا تھانہ میں معاملہ درج کرلیا گیا ہے۔انہوں نے بتایا کہ معاملے کی جانچ سی آئی ڈی سی بی کو سونپی گئی ہے۔
واضح رہے کہ رکن اسمبلی پرتاپ لال گمیتی کے خلاف جنسی زیادتی کا گزشتہ دس مہینے میں یہ دوسرا معاملہ ہے۔ اس سے پہلے بھی مدھیہ پردیش میں نیمچ کی رہنے والی ایک لڑکی نے جنسی زیادتی کا معاملہ درج کرایا تھا جس کی سی آئی ڈی سی بی کی جانچ چل رہی ہے۔
یواین آئی
