ریاست راجستھان کے شہر اجمیر شریف میں سلطان الہند حضرت خواجہ غریب نواز رحمۃ اللہ علیہ کی چھٹی شریف کا فاتحہ ہوا اور چھ شعبان ہونے کی وجہ سے آج ہی خواجہ صاحب کے بڑے صاحبزادے حضرت بابا فخرالدین چشتی رحمۃ اللہ علیہ کے قل کی رسم بھی ادا کی گئی۔
ملک بھر سے کثیر تعداد میں عقیدت مندوں نے خواجہ غریب نوازؒ کے آستانہ پر پہنچ کر حاضری دی اور زندگی میں کامیابی و کامرانی کی دعا مانگی۔
قل کی رسم
بابا فخرالدینؒ کے عرس کے موقع پر درگاہ میں خوبصورت روشنی اور سجاوٹ کی گئی ہے، زائرین کے لیے لنگر اور عبادت کے معقول انتظامات کیے گئے۔
نو شعبان کو بڑے قل کی رسم کے ساتھ حضرت بابا فخرالدین چشتی رحمۃ اللہ علیہ کا عرس مکمل ہوگا۔
