ریاست بھر میں بڑھتے جرائم کے خلاف راجستھان کے دارالحکومت جے پور میں دلت اور مسلم تنظیموں کی جانب سے کیے جانے والے احتجاجی مظاہرے سے قبل مظاہرین کو پولیس نے راستے میں ہی روک دیا۔
دلت - مسلم تنظیموں کے احتجاج کو پولیس نے روکا
احتجاجی مظاہرہ کے مقام تک پہنچنے سے پہلے ہی پولیس نے مظاہرین کو روک لیا ہے۔ کسی کو بھی احتجاج کے مقام پر داخل نہیں ہونے دیا جا رہا ہے۔
مظاہرین کو روکنے کے لیے کثیر تعداد میں پولیس کے جوان بھی تعینات کر دیے گئے ہیں وہیں پولیس کے اعلی افسران مظاہرین کو سمجھاتے ہوئے نظر آرہے ہیں۔
ان کا کہنا ہے کہ 'کورونا وبا کے درمیان اس طرح کا احتجاجی مظاہرہ کرنے کی اجازت کسی کو بھی نہیں دی جائے گی۔'
یہ بھی پڑھیں: اجمیر شریف درگاہ عام زائرین کے لیے کھول دی گئی
اطلاعات کے مطابق جے پور کے جے ایل این روڈ پر ان تمام مظاہرین کو روکا گیا ہے۔
