جے پور: راجستھان کی دارالحکومت جے پور کے موتی ڈونگری روڈ علاقے میں واقع درویش بابا رحمتہ اللہ علیہ کی درگاہ میں راجستھان حکومت نے ایک اقلیتی ہاسٹل تعمیر کرانے کا منصوبہ تیار کیا ہے، جس کی مسلم تنظیموں کی جانب سے لگاتار مخالفت Protest Against Minority Hostel In Jaipur کی جارہی ہے۔
ہاسٹل تعمیر کے سلسلے میں مسلم تنظیموں نے وزیراعلی اشوک گہلوت کو خط لکھ بھی لکھا ہے جس میں انہوں نے حکومت سے مطالبہ کیا ہے کہ اقلیتی ہاسٹل کی تعمیر درگاہ کے علاوہ کسی اور جگہ کرائی جائے۔
مسلم تنظیموں کے عہدیداران کا کہنا ہے کہ موتی ڈونگری روڈ علاقے میں واقع درویش بابا کی درگاہ میں جہاں اقلیتی ہاسٹل تعمیر کروایا جا رہا ہے، وہ قبرستان کی زمین ہے۔ قبرستان کی زمین پر کوئی تعمیری کام نہیں کیا جاسکتا۔ اس لیے ہم اس تعمیر کی مخالفت کرتے ہیں۔
مزید پڑھیں:
تنظیموں کا کہنا ہے کہ حکومت کے پاس کئی ایسی اراضی ہیں جہاں پر ہاسٹل تعمیر کی جاسکتی ہے۔ اس لیے حکومت کو چاہیے کہ وہ ہاسٹل قبرستان کی زمین کے علاوہ کسی اور جگہ پر تعمیر کروائے۔
