ریاست راجستھان کے اقلیتی امور کے وزیر صالح محمد کی جانب سے ریاست کے دارلحکومت جے پور میں متعقلہ محکمہ کے عہدیداران اور ملازمین کے ساتھ ایک میٹنگ منعقد کی۔
میٹنگ سے خطاب کرتے ہوئے انہوں نے کہا کہ ریاستی حکومت کی جانب سے اقلیتوں کے لئے بہترین اسکیم چلائی جارہی ہے۔ انہوں نے کہا کہ اقلیتی طبقات کے لیے چلائی جارہی اسکیمز سے لوگوں کو فائدہ پہنچانے کی ہر ممکن کوشش کی جارہی ہے۔
انہوں نے مزید کہا کہ راجستھان کی کانگریس حکومت کی جانب سے بہتر سے بہتر اسکیمات اقلیتوں کے فلاح و بہبود کے لئے چلائی جارہی ہیں۔
انہوں نے کہا کہ اقلیتوں کے تئیں چلائے جارہے اسکیم میں کسی بھی قسم کی کوتاہی برتی گئی تو متعلقہ افسران کے خلاف سخت کاروائی کی جائے گی۔
مزید پڑھیں:
راجستھان حکومت کے خلاف مسلمانوں کی ناراضگی جائز ہے: واجب علی
سکریٹریٹ سے ہی صالح محمد نے چند افراد کے ساتھ ویڈیو کانفرنس بھی کی اور ان سے اپنے محکمے کا فیڈ بیک بھی لیا۔ اس میٹنگ میں متعلقہ محکمہ سے تعلق رکھنے والے افسران، ملازمین سمیت دیگر افراد بھی موجود تھے۔
