ریاست راجستھان کے شہر جودھ پور کے لونی میں کورونا وائرس کا انفیکشن روز بروز بڑھتا ہی جا رہا ہے۔ جس کی وجہ سے سات تھانہ علاقوں میں کرفیو نافذ ہے۔ لاک ڈاؤن کی وجہ سے گھروں میں رہنے کی اپیل کی جا رہی ہے۔ ایسی صورتحال میں پولیس اہلکاروں نے پیدل مارچ کیا اور لوگوں کو کورونا سے بچنے کے لیے گھروں میں رہنے کی اپیل بھی کی۔
اسی دوران جھنور تھانہ آفیسر پرمیشوری کی سربراہی میں پیدل مارچ کرکے لوگوں کو لاک ڈاؤن سے آگاہ کیا جا رہا ہے۔ ایسی صورتحال میں گاؤں کے لوگوں نے پیدل مارچ کے دوران پھولوں کی بارش کے ساتھ ساتھ ڈھول بجا کر پولیس اہلکاروں کا زبردست استقبال کیا۔
پورے ریاست میں کورونا وائرس کے انفیکشن کو روکنے کے لیے جاری لاک ڈاؤن کے دوران عام لوگوں کی جانب سے گھروں میں رہ کر اس لاک ڈاؤن کی پیروی کی جارہی ہے۔ اسی کے ساتھ ہی پولیس اور محکمہ میڈیکل کے انتظامیہ کے ساتھ مل کر انتظامیہ عام آدمی کے مفاد کے لیے دن رات کام کر رہا ہے۔
پولیس افسر پرمیشوری نے بتایا کہ کورونا وائرس کا انفیکشن پھیل رہا ہے۔ اس کی وجہ سے ہر گاؤں میں پیدل مارچ کرنے کے ساتھ لاک ڈاؤن کا خیال رکھنے کا بھی پیغام دیا جا رہا ہے۔ اسی دوران انہوں نے عوام سے کہا کہ آپ سب لوگ گھروں میں ہی رہیں، جلد ہی ہم پورے ملک سے کورونا کو شکست دیں گے۔ اسی کو لے کر پیدل مارچ کرکے لوگوں کو اس کے بارے میں بیدار کیا جا رہا ہے۔
