یہ تمام افراد گاندھی دھام اور گجرات کے رہنے والے ہیں، پولیس نے تمام افراد کو سینیٹائز کرواتے ہوئے ماسک بھی دیا۔
کورونا وائرس کے سبب کام بند ہونے کی وجہ سے گجرات سے پنجاب ٹرک میں بھر کر لے جارہے 58 افراد کو جامسر پولیس نے پکڑا۔
تھانہ افسر گورو کھیڑیا گشت کررہے تھے، اسی دوران پنجاب نمبر کی ایک ٹرک انہوں نے رکوائی۔ ٹرک کی کیبن میں سات لوگ ملے۔ وہیں ٹرک کے اوپر ترپال لگا تھا جس کے اندر 51 افراد تھے۔
پوچھ گچھ میں ٹرک ڈرائیور گورجنت سنگھ نے بتایا کہ وہ فیروزپور پنجاب کا ہے، یہ تمام افراد گاندھی دھام اور گجرات کے رہنے والے ہیں۔
ڈرائیور نے بتایا کہ کورونا کی وجہ سے کام نہیں مل رہا تھا، اسی دوران یہ لوگ آئے اور کہا کہ پنجاب جانا ہے، یہ تمام فی فرد ایک ہزار روپے دینے پر راضی ہوگئے، ڈرائیور کے مطابق وہ لالچ میں آکر 58 لوگوں کو ٹرک میں بھر کر گاندھی دھام سے لے آیا۔
پولیس نے سبھی کو کھیت میں ایک ایک میٹر کی دوری پر بیٹھا کر سینیٹائزیشن کرواتے ہوئے ماسک پہنائیں، وہیں سبھی کو کھانا دیا گیا جس کے بعد ان کی اسکریننگ پی ایچ سی میں کروائی گئی، وہیں ڈرائیور کے خلاف مقدمہ درج کرکے اسے گرفتار کرلیا گیا ہے۔
