اجمیر:ریاست راجستھان کے ضلع اجمیر میں واقع تارا گڑھ پہاڑی کے پرتھوی راج میموریل اور شہر کے مختلف مقامات پر تیندوے کے داخل ہونے کی اطلاع ملی ہے۔رہائشی علاقے میں پینتھر کے پائے جانے کے بعد دہشت کا ماحول ہے۔محکمی جنگلات کے اہلکاروں کی پینتھر کو پکڑنے کی جاری ہے۔ ذرائع کے مطابق پینتھر کو کل رات پرتھوی راج میموریل کے قریب جھاڑیوں میں دیکھا گیا تھا۔مقامی باشندوں نے محکمہ جنگلات کو اس کی اطلاع دی۔محکمہ جنگلات اب تک اسے پکڑنے میں کامیاب نہیں ہو سکا ہے۔ ابھی چند روز قبل گلاب باڑی میں ایک گھر کی چھت پر ایک پینتھر سی سی فوٹیج کیمرے میں قید ہوا تھا۔ اس کے بعد سے لوگ خوف کے عالم میں جی رہے ہیں۔
اجمیر ڈویژن ہر سال ویشاخ پورنیما پر جنگلی جانوروں کی مردم شماری کرتا ہے۔ محکمہ اجمیر-پشکر، بیور اور جاواجا علاقوں میں پینتھروں پر خصوصی نظر رکھتا ہے۔ پہاڑی علاقوں اور پودوں کی وجہ سے ان علاقوں میں پینتھر اکثر نظر آتے ہیں۔علاقے میں رہنے والے باشندوں کو الرٹ جاری کیا گیا ہے۔ لوگوں سے احتیاط برتنے کی اپیل کی گئی ہے۔
یہ بھی پڑھیں:Junaid Nasir Murder Case پولیس ملزمان کی گرفتاری کے لیے شواہد اکٹھا کرنے میں مصروف۔
وجے، این، سی سی ایف، محکمہ جنگلات کے مطابق تاراگڑھ علاقے میں پینتھر کی نقل و حرکت پر نظر رکھی جا رہی ہے۔ عملے کو بھی مسلسل گشت کرنے کے لئے کہا گیا ہے کوشش کی جارہی ہے کہ کسی عام آدمی کو اس جانور سے نقصان نہ پہنچے۔جانور کو بھی صحیح سلامت پکڑنے کی کوشش کی جا رہی ہے۔
