اجمیر: جنگ کربلا کا قصہ اب مسلم علاقوں میں مرثیہ خوانی کے ذریعے بیان کیا جا رہا ہے۔ اجمیر شریف میں شہدائے کربلا کی یاد میں حضرت امام حسین رضی اللہ عنہ Hazrat Imam Hussain (RA) کا گھر گھر ذکر کیا جا رہا ہے۔ گلیوں میں پانی اور شربت کی سبیلیں نصب کر دی گئی ہیں اور ضرورت مندوں کو لنگر بھی فراہم کیا جا رہا ہے۔ Organized Traditional Muharram Rally and Procession in Ajmer
آج دنیا اس خاندان رسول کو سلام پیش کررہی ہے جنہوں نے صبر کے ساتھ حقوق کی جنگ میں اسلام اور امت رسول اللہ صلی اللہ علیہ وسلم کی خاطر اپنی جانوں کا نذرانہ الله کی راہ میں پیش کیا۔ محرم کے مہینے میں اجمیر میں غم حسینؓ کو دیکھا جا رہا ہے۔ جہاں امام حسینؓ کے روضہ کی شکل میں تعزیہ بنایا گیا ہے اور امام بارگاہ میں مرثیہ پیش کیا جا رہا ہے۔ Muharram Procession in Ajmer
صوفی حضرت خواجہ غریب نواز رحمۃ اللہ علیہ کی بارگاہ میں ان کے جد امجد حضرت امام حسینؓ کا ذکر سننے کے لیے ملک بھر سے زائرین اجمیر پہنچ گئے ہیں۔ اس موقع پر ضلعی انتظامیہ نے زائرین کی سہولت کے لیے تمام مناسب انتظامات کے ساتھ ساتھ میڈیکل کیمپ کا بھی انعقاد کیا ہے۔ اجمیر میں محرم کے موقع پر حضرت بابا فرید کا چلہ بھی کھولا جاتا ہے جسے منی عرس کہا جاتا ہے۔