اس جدت کے بعد امیدوار کو رجسٹریشن پر یونٹ نمبر مل جائے گا جس کے بعد اصل دستاویزات کی ضرورت نہیں رہے گی اور فارم بھرنے میں بھی کم وقت لگے گا۔ انہوں نے کہا کہ ایک بار رجسٹریشن کے ذریعے امیدوار کو صرف ایک بار اپنی مکمل پروفائل کی تفصیلات دینی ہوں گی۔
اس کے بعد امیدواروں کو مختلف بھرتیوں میں شامل ہونے کے لیے دوبارہ اپنی پروفائل کی تفصیلات نہیں دینا ہوگی۔
اس ون ٹائم رجسٹریشن کے نفاذ کے بعد درخواست کے وقت ہونے والی غلطیاں بھی کم ہو جائیں گی اور اس سے امیدواروں کو فارم بھرنے میں آسانی ہوگی۔
اس کا ایک فائدہ یہ بھی ہوگا کہ ریاستی حکومت کی منشا کے مطابق تمام عمل وقت پر مکمل ہوں گے۔
اس پہل کی کامیابی کے بعد آر پی ایس سی کی جانب سے ون ٹائم ویریفیکیشن One Time Verification کی بھی شروعات ہو جائے گی جس میں امیدواروں کے کاغذات کی تصدیق ہونے کے بعد دوبارہ تصدیق کی ضرورت نہیں رہے گی۔
