ریاست راجستھان میں کورونا وائرس کے پیش نظر دفعہ 144 نافذ ہے اور جہاں پر کورونا وائرس کے مریض سامنے آرہے ہیں ان علاقوں میں حکومت کی جانب سے کرفیو بھی نافذ کیا گیا ہے۔
جس میں ریاست کے دارالحکومت جئے پور کا رام گنج علاقہ بھی شامل ہے، ایسے میں یہاں پر جئے پور کلیکٹر کی جانب سے چند دکانداروں کو صارفین کے گھر تک سامان پہنچانے کے آرڈر بھی جاری کیے گئے ہیں۔
لیکن ان دکانوں کو نہ ہی کھولا جا رہا ہے اور نہ ہی کسی طرح کا سامان گھروں تک پر پہنچایا جا رہا ہے، ایسے میں آج شب برات کے موقع پر عوام کے درمیان ایک بڑی پریشانی آ چکی ہے کیونکہ انہیں ضروری سامان نہیں مل پارہا ہے۔
ایسے میں مقامی باشندوں کا الزام ہے کہ انھوں نے کئی بار ضلع کلیکٹر کی جانب سے جن دکانداروں کے نمبر جاری کیے گئے ہیں اس پر رابطہ قائم کرنے کی کوشش کی گئی لیکن انھیں یہ جواب آیا کہ رام گنج علاقے میں سامان نہیں پہنچایا جائے گا۔
مقامی باشندوں کا الزام ہے انتظامیہ کی جانب سے جاری کی گئے نمبرات پر جب فون کیا گیا تو دکانداروں نے جواب دیا کہ اگر صارف کم از کم پانچ ہزار روپئے کا سامان خریدے گا تب ہی انھیں سامان پہنچایا جائے گا۔
واضح رہے کہ راجستھان کے دارالحکومت جئے پور کے اس رام گنج علاقے میں ہی کورونا وائرس مریضوں کے سب سے زیادہ معاملات سامنے آئے ہیں۔
