جے پور کے سوائی مان سنگھ اسٹیڈیم کے باہر واقع شہید اسمارک پر نربھیا ٹیم کے ارکان نے سلامی لی اور جے پور کے مختلف مقامات پر فلیگ مارچ کیا گیا۔
اس دوران راستے میں عوام کی جانب سے اس ٹیم کا استقبال کیا گیا۔ اس ٹیم میں شامل ارکان نے اپنے ہاتھوں میں تختیاں لے رکھی تھی۔
نربھیا ٹیم کی انچارج سنیتا مینا نے بتایا کہ 24 ستمبر 2019 کو خواتین اور بچیوں کی حفاظت کے لیے جے پور پولیس کی اسپیشل ٹیم 'نربھیا ٹیم' بنائی گئی تھی۔انہوں نے بتایا کہ اس ایک برس میں جس طرح سے میڈیا سمیت تمام لوگوں نے اس ٹیم کا ساتھ دیا ہیں وہ قابل تعریف ہے۔
سنیتا مینا نے کہا کہ ہماری پوری ٹیم نے جس طرح کا کام کیا ہے ہمیں اس پر فخر ہے۔
انہوں نے مزید کہا کہ 'جس طرح سے جے پور کی عوام نے ساتھ دیا ہے اس کے لیے ہم تمام لوگوں کا شکریہ ادا کرتے ہیں۔
واضح رہے کہ جے پور پولیس کی اس خاص ٹیم میں 215 خاتون پولیس اہلکار ہیں جو جے پور کے مختلف مقامات پر اپنی ڈیوٹی انجام دیتی ہوئی نظر آتی ہیں۔ یہ تمام خواتین موٹر سائیکل پر گشت کرتی ہیں۔
