جے پور کے اینٹی کرپشن بیورو ( اے سی بی) کی جانب سے کی جا رہی کارروائی کے دوران آج آر ایس ایس کی جانب سے پریس نوٹ جاری کیا گیا۔ آر ایس ایس نے کہا ہے کہ بی وی جی کمپنی کے عہدیدار نمبارام کے پاس "پرتاپ گورو سینٹر" ادے پور میں اپنے سی ایس آر فنڈ کا تعاون کرنے کے لیے تجویز لے کر آئے تھے۔
نمبارام نے ان سے کہا تھا کہ وہ سینٹر کا دورہ کریں اور وہاں کی جو ضروریات ہیں اس کو سمجھ کر اگر صحیح لگے تو اس میں تعاون کریں۔ پریس نوٹ میں یہ کہا گیا ہے کہ کمپنی کی جانب سے دورے سے متعلق تاریخ کا اعلان کیا گیا تھا لیکن وہ وہاں پر نہیں گئے۔
مزید پڑھیں:
اس لیے سی ایس آر فنڈ سے کسی طرح کے تعاون کا سوال ہی نہیں اٹھتا۔ پریس نوٹ میں نمبارام کو اچھا انسان قرار دیتے ہوئے کہا گیا ہے کہ اینٹی کرپشن بیورو ان سے جس طرح بھی پوچھ تاچھ کرنا چاہے کر سکتی ہے۔ وہ ہر طرح سے تعاون کرنے کے لیے تیار ہیں۔
