راجستھان کے تمام شہروں میں نائٹ کرفیو نافذ

راجستھان حکومت نے ریاست کے تمام شہروں میں 16 اپریل سے پندرہ روز کے لئے شام چھ بجے سے صبح چھ بجے تک کرفیو نافذ کرنے کا اعلان کیا ہے۔

ریاستی حکومت نے کورونا کے معاملات بڑھنے کے بعد آج ریاست میں 30 اپریل تک کے لئے نئی گائیڈ لائن جاری کردی ہے۔ نئی گائیڈلائن میں ریاست کے تمام شہروں میں شام چھ بجے سے صبح چھ بجے تک نائٹ کرفیو لگانے کا فیصلہ کیا ہے۔ شہری علاقوں میں شام پانچ بجے سے بازار بند کرنے ہوں گے۔

اس درمیان ریاست میں سیکنڈری ایجوکیشن بورڈ کے دسویں اور بارہویں بورڈ کے امتحانات ملتوی کر دئے گئے ہیں۔

یو این آئی