ریاست راجستھان میں کورونا سے ہلاک ہونے والے مسلموں کی تعداد 1301 تک پہنچ چکی ہے۔ کورونا سے ہلاک ہونے والے لوگوں کو جے پور کے شاشتری نگر علاقہ میں واقع قبرستان اور گھاٹ گیٹ علاقے میں واقع قبرستان میں سپرد خاک کیا جا رہا ہے۔
کورونا سےہلاک ہونے والے لوگوں کی قبروں کو جے سی بی مشین کے ذریعے کھودا جا رہا ہے۔ مشین کے ذریعے کھودی جانے والی قبر اور عام قبر میں کافی زیادہ فاصلہ نظر آتا ہے، جو جے سی بی سے قبر کھودی جارہی ہے، وہ کافی زیادہ بڑی ہیں اور جس طرح سے مسلسل طور پر لوگ ہلاک ہو رہے ہیں، اس سے اب مسلم برادری کے سامنے قبرستان کی تنگی بھی آ چکی ہے۔ قبرستان کی کمی کو لے کر راجستھان کی مختلف تنظیموں کی جانب ریاستی حکومت سے مطالبہ بھی کیا جا رہا ہے کہ قبرستان کے لیے زمین دی جائے۔
مزید پڑھیں:
راجستھان: کورونا مریضوں کی تعداد 8500 سے تجاوز
فی الحال مسلم تنظیموں کا مطالبہ ہے کیا حکومت اس جانب توجہ دیگی یا نہیں۔ یہ تو آنے والا وقت ہی بتائے گا۔ جامع مسجد انتظامی کمیٹی کے صدر نعیم قریشی نے افسوس ظاہر کرتے ہوئے کہا کہ جس طرح سے کورونا وباء سے لوگ ہلاک ہو رہے ہیں وہ کافی زیادہ افسوس والی بات ہے۔
