ریاست راجستھان میں ضلع چورو کے سانڈوا تھانہ علاقہ میں ایک تالاب سے ماں بیٹے کی لاش مشتبہ حالت میں برآمد ہوئی ہے۔
تھانہ انچارج اندرلال نے آج بتایا کہ مرنے والوں کی شناخت 32 برس کی کیلاشی دیوی اور اس کے آٹھ بیٹے اروند کے طور پر کی گئی ہے۔
لال گنج گاؤں میں پانی کی ٹنکی کے باہر جمعرات دوپہر کو لوگوں نے لیڈیز چپل دیکھی تو انہیں شک ہوا کہ کوئی خاتون پانی میں گرگئی ہے۔
اطلاع ملنے پرتھانہ انچارج اپنے ساتھیوں سمیت موقع پر پہنچ گئے، اور انہوں نے بتایا کہ تالاب کافی گہرا تھا، اس کو خالی کروایا گیا، دیر شام تک تالاب کا سارا پانی نکالا گیا، اس کے بعد ماں کیلاشی دیوی اور بیٹے اروند کی لاش برآمد کی گئی۔
انہوں نے بتایا کہ یہ خبر پاکر ضلع ناگور میں جھاڑ سیسر کے رہائشی کیلاشی دیوی کے والد جگدیش جاٹ اورمائکہ کنبہ کے کئی افراد سانڈوا پہنچے۔
جگدیش جاٹ نے الزام عائد کیا کہ شوہر اوم پرکاش، سسر آشارام، ساس کرشنا دیوی، جیٹھ روگھا رام اور جیٹھانی سروج نے کیلاشی اور اروند کو مار کر اس تالاب میں پھینکا ہے۔
واضح رہے کہ پولیس معاملے میں کیس درج کرنے کے بعد آگے کی جانچ کررہی ہے۔
