جودھ پور: ایک خاندان کے 20 سے زائد افراد کورونا وائرس سے متاثر

ریاست راجستھان کے ضلع جودھ پور میں ایک ہی خاندان کے 20 سے زائد افراد کورونا وائرس سے متاثر بتائے جا رہے ہیں۔

جمعرات کی صبح کو ڈاکٹر ایس این میڈیکل کالج( جودھ پور)نے اپنے بلٹین میں 40 نئے کورونا مریضوں کی تصدیق کی ہے۔

ان مریضوں میں سے ایک ہی خاندان کے 20 سے زائد افراد کے نام بھی شامل ہیں۔

کورونا وائرس سے متاثر ہونے والے یہ تمام افراد گذشتہ دنوں ایک شادی کی تقریب میں شریک ہوئے تھے۔

اس شادی کی تقریب میں دولہا کے علاوہ دلہن سمیت ہر ایک فرد کی کورونا رپورٹ مثبت آئی ہے۔

اس لیے محکمہ صحت نے اس پورے علاقے میں رہائش پذیر تمام افراد کی کورونا ٹیسٹ شروع کر دی ہے۔

آج دوپہر دو بجے تک 200 سے زیادہ نمونے لئے گئے۔

محکمہ صحت کے انچارج ڈاکٹر دیویندر سنگھ نے بتایا شادی کی تقریب میں شرکت کے سبب کورونا سے کثیر تعداد میں لوگ متاثر ہوئے ہیں۔

اس لیے انہوں نے عوام سے اپیل کی ہے کہ وہ اس طرح کی تقریبات میں حصہ نہ لیں اور معاشرتی فاصلہ کو برقرار رکھیں۔