اجمیر:عالمی وبا کورونا کی ایک بار پھر منحوس دستک سے ملک ہندوستان الرٹ ہو گیا ہے۔ جیسے جیسے ملک کی دیگر ریاستوں میں کورونا وائرس کا ویرینٹ پھیل رہا ہے۔ ویسے ہی ملک بھر میں محکمہ صحت کی جانب سے الرٹ کیا جا ریا ہے۔ ملک بھر میں کورونا وبا کے کیس میں اضافہ کے مدنظر ریاست راجستھان کے ڈنگرپور میں بذریعہ ایم ایم بی گروپ کی جانب سے لوگوں میں بیداری پیدا کی جا رہی ہے۔ کورونا وبا کے نئے ویرینٹ سے عام لوگوں کو محفوظ رہنے اور اس کے نتائج سے الرٹ ہونے کا پیغام دیا جا رہا ہے۔
ایم ایم بی گروپ کے ذریعہ پولیس محکمہ سے لے کر شہریوں کو ماسک اور کپڑے کے تھیلے مفت تقسیم کیے جا رہے ہیں۔ گروپ کے صدر نور محمد کے مطابق 2007 سے صوفی وستان بابا کی یاد میں بھاماشا کی مدد کی جا رہی ہے۔ اب تک تمام مذہبی ضرورت مندوں کے 16700 خاندانوں کو راشن کٹ تقسیم بھی کیے جا چکے ہیں۔
یہ بھی پڑھیں:یوپی کے تمام اضلاع ڈائیلاسز یونٹس سے لیس، برجیش پاٹھک
انہوں نے کہاکہ ہمارا مقٓصد لوگوں کو اس بیماری کو لے کر بیدار کرنا ہے تاکہ وہ خود کو اس بیماری سے محفوظ رکھ سکے۔اس کے لئے سب سے ضروری یہ ہے کہ لوگ محکمہ صحت کی جانب سے جاری ہدایت پر سختی سے عمل کریں۔
