ریاست راجستھان کے دارالحکومت جے پور کے آدرش نگر اسمبلی حلقے سے رکن اسمبلی رفیق خان نے راجستھان کے وزیراعلی اشوک گہلوت کو خط لکھا ہے۔ رکن اسمبلی خان کی جانب سے یہ خط وزیراعلی اشوک گہلوت کو راجستھان مدرسہ پیرا ٹیچر، راجیو گاندھی پیرا ٹیچرز اور سکشا کرمیوں کو مستقل کرنے کے مطالبہ کو لے کر لکھا گیا ہے۔
خط کے ذریعے رکن اسمبلی رفیق خان نے کہا ہے کہ راجستھان مدرسہ پیرا ٹیچر، راجیو گاندھی پیتا ٹیچر اور سکشا کرمیوں کا مطالبہ جائز ہے۔ اس لئے ان کی جانب توجہ دی جانی چاہیے اور ان لوگوں کو جلد سے جلد مستقل کر دینا چاہیے۔
وہیں رکن اسمبلی رفیق خان نے ای ٹی وی بھارت اردو سے بات چیت کے دوران کہا کہ پہلے بھی ان لوگوں کے مطالبہ کو لے کر میں نے وزیر اعلی گہلوت کو خط لکھا تھا، میں نے دوبارہ خط لکھا ہے۔
انہوں نے مزید کہا کہ میں اس پورے معاملے کو لے کر وزیر اعلی اشوک گہلوت سے ملاقات کروں گا اور وزیر اعلی اشوک گہلوت سے یہ فریاد کروں گا کہ ان لوگوں کو جب تک مستقل نہی کر دیا جاتا تب تک ان کی تنخواہ میں توسیع کر دی جائے۔
یہ بھی پڑھیں: راجستھان مدرسہ پیرا ٹیچرز نے اسدالدین اویسی سے ملاقات کی
واضح رہے کہ مدرسہ پیرا ٹیچرز، راجیو گاندھی پیتا ٹیچرز اور سکشا کرمی اپنے مطالبات کو لے کر راجستھان حکومت کے خلاف روز الگ الگ طرح سے احتجاجی مظاہرہ کر رہے ہیں۔
