راجستھان کے ناگور ضلع کے لاڈنو اسمبلی حلقے سے تعلق رکھنے والے کانگریس پارٹی کے رکن اسمبلی مکیش بھاکر اور فتح پور اسمبلی حلقے سے رکن اسمبلی حاکم علی خان کی جانب سے ریاست کے وزیر اعلی اشوک گہلوت کو خط لکھا گیا ہے۔
جے پور کے دونوں ہی اراکین اسمبلی کی جانب سے وزیر اعلی اشوک گہلوت کو خط لکھ کر یہ مطالبہ کیا گیا ہے کہ راجستھان کے مدرسوں میں ہندی انگریزی سمیت دیگر سبجیکٹ کی تعلیم بچوں کو فراہم کروانے والے اساتذہ یعنی پیرا ٹیچرز کو جلد سے جلد پرمننٹ کیا جائے۔
خط میں لکھا گیا ہے کہ انتخابی منشور میں ہم لوگوں کی جانب سے یہ وعدہ گیا تھا کہ آپ لوگوں کو جلد از جلد پرمننٹ کردیا جائے گا اس لیے مدرسہ ٹیچر کی جانب جلد توجہ دی جائے۔
وہیں دونوں ہی اراکین اسمبلی کی جانب سے یہ مطالبہ بھی کیا گیا ہے کی راجستھان کے چورو ضلع سے تعلق رکھنے والے شمشیر خان راجستھان سے گجرات تک ڈانڈی یاترا نکال رہے ہیں، ان کو راستے میں ہی روکا جائے اور ان سے بات کی جائے کہ آخر وہ چاہتے کیا ہیں۔
اراکین اسمبلی کی جانب سے لکھے گئے خط میں وزیر اعلی اشوک گہلوت کو اس بات کو لے کر بھی آگاہ کیا گیا ہے کہ اقلیتی طبقے کے لوگ مطالبات کو نہیں تسلیم کرنے کی وجہ سے ناراض نظر آرہے ہیں، ایسے میں جلد سے جلد ان مطالبات کی جانب توجہ دی جائے۔
