ریاست راجستھان کے دارالحکومت جے پور میں ریاستی مدرسہ بورڈ دفتر کے باہر دھرنا دے رہے پیرا ٹیچرز کی تنظیم کے ذمہ داروں نے وزیر اعلیٰ اشوک گہلوت سے ملاقات کی. انہوں نے اپنی تمام پریشانیوں اور اپنی مانگوں کو وزیر اعلیٰ اشوک گہلوت کے سامنے رکھا، پیرا ٹیچر کی تنظیم کے ذمہ داروں کے ساتھ رکن اسمبلی رفیق خان بھی موجود تھے۔
واضح رہے کہ گزشتہ روز سے ریاست بھر کے مدرسہ پیرا ٹیچر ریاستی مدرسہ بورڈ دفتر کے باہر احتجاج کرتے ہوئے دھرنا دے رہے ہیں.
جے پور اسمبلی رکن رفیق خان اور سوائی مادھوپور اسمبلی رکن دانش ابرار نے احتجاج کر رہے پیرا ٹیچروں کو خطاب کرتے ہوئے کہا کہ وہ بھی ان کے ساتھ ہیں۔ انہوں نے کہا کہ ٹیچرز کے مطالبات جائز ہیں اور وہ اسمبلی میں بھی اس حوالے سے آواز بلند کرچکے ہیں۔
رفیق خان نے صحافیوں سے بات چیت کے دوران کہا کہ وہ اس احتجاج میں خود آئے ہیں اور انہیں وزیر اعلیٰ یا پارٹی کی طرف سے نہیں بھیجا گیا ہے۔
