اجمیر: مسجد موئے مبارک میں لوگوں کےلیے ٹھنڈے پانی کا انتظام

ریاست راجستھان میں ان دنوں شدید گرمی کا اثر دیکھا جارہا ہے، ایسے میں سڑکوں پر راہگیر گرمی سے بچنے اور پیاس بجھانے کی کوشش کر رہے ہیں۔

اجمیر شریف کی مسجد موئے مبارک کی جانب سے راہگیروں اور خاص و عام لوگوں کےلیے ٹھنڈا پانی مہیا کرایا جارہا ہے۔

ضلع کلکٹریٹ کچہری میں واقع مسجد موئے مبارک کی انتظامیہ کمیٹی نے شدید گرمی کے موسم میں راہگیروں کو راحت فراہم کرانے کے مقصد سے مسجد کے باہر ٹھنڈے پانی کا کولر نصب کیا گیا ہے۔

مسجد کمیٹی کے ذمہ دار خواجہ سید غیاث الدین چشتی نے بتایا کہ موسم گرما میں لوگوں کےلیے ٹھنڈا پانی فراہم کرنا ثواب ہے اسی لیے مسجد کمیٹی نے بنا لحاظ مذمت و ملت لوگوں کےلیے ٹھنڈے پانی کا انتظام کیا ہے۔

واضح رہے کہ ضلع بھر سے لوگ کچہری آتے ہیں جہاں لوگوں کی سہولت کےلیے مسجد کمیٹی نے ایک کتبخانہ، گیسٹ ہاؤز سمیت دیگر ضروری سہولیات فراہم کر رکھی ہے۔