راجستھان فون ٹیپنگ کیس کے سلسلے میں جاری سیاسی تنازعہ ختم ہونے کا نام نہیں لے رہا ہے۔ مرکزی وزیر گجیندر سنگھ شیکھاوت اور چیف وہپ مہیش جوشی کے درمیان ٹوئٹر پر ایک دوسرے کے خلاف بیان بازی کا دور جاری ہے۔
فون ٹیپنگ کیس میں مرکزی وزیر گجیندر سنگھ شیکھاوت کی ایف آئی آر معاملے میں راجستھان قانون ساز اسمبلی کے چیف وہپ مہیش جوشی کو دہلی کرائم برانچ نے بیان درج کرانے کے لیے دہلی نوٹس کے ذریعے بلایا تھا۔ لیکن مہیش جوشی دہلی نہیں گئے۔
اس کے برعکس جوشی نے مرکزی وزیر گجیندر سنگھ شیکھاوت کو اخلاقی طور پر مفرور قرار دیا اور انہیں جے پور میں اے سی بی کے ہیڈ کوارٹر جانے اور اپنا وائس سیمپل دینے کو کہا۔
