ریاست راجستھان کے کے دارالحکومت جے پور کے مدارس میں بچوں کو ہندی انگریزی سمیت دیگر مضامین کی تعلیم دینے والے 27 مدرسہ پیرا ٹیچر کا گزشتہ شب راجستھان مدرسہ بورڈ کی جانب سے تبادلہ کردیا گیا۔
واضح رہے کہ 27 مدرسہ پیرا ٹیچر کا تبادلہ ہونے کے بعد اب دیگر مدرسہ پیرا ٹیچر جو اپنے تبادلے کی امید لگائے بیٹھے تھے ان ان میں ناراضگی نظر آرہی ہے، اسی ضمن آج راجستھان کی اقلیتی وزیر سے راجستھان مدرسہ پیرا ٹیچر ملاقات کریں گے۔
راجستھان مدرسہ بورڈ کی جانب سے جاری ہدایت کے مطابق 27 مدرسہ پیرا ٹیچر کا تبادلہ گزشتہ شب کو کردیا گیا ہے۔
تقریباً چار سو مدرسہ ٹیچر یہ امید لگائے بیٹھے تھے کہ ان کا بھی تبادلہ کیا جائے گا لیکن ان تمام مدرسہ ٹیچر کی امید پر اس وقت پانی پھِر گیا جب مدرسہ بورڈ کی جانب سے محض 27 پیرا ٹیچر کے تبادلے کردیے گئے۔
ان تبادلوں میں خاص بات یہ رہی کہ اس فہرست میں خاتون پیرا ٹیچر کو توجہ دی گئی اور 27 میں سے 24 خاتون پیرا ٹیچر کے اس تبادلے کی فہرست میں شامل ہیں۔
وہیں جن مدرسہ پیرا ٹیچر کا تبادلہ نہیں ہوا ہے ان لوگوں نے ای ٹی وی بھارت کے ذریعی اپنی آواز کو اقلیتی وزیر تک پہنچانے کی کوشش کی ہے۔
ان مدرسہ پیرا ٹیچرز کا کہنا ہے کہ ان لوگوں کے ساتھ میں ناانصافی ہوئی ہے اس لیے وہ لوگ انصاف چاہتے ہیں اس وجہ سے ہم گزشتہ روز بھی راجستھان کے اقلیتی وزیر صالح محمد سے ملاقات کرنے ان کی رہائش گاہ گئے تھے اور آج بھی ایک بار پھر ان سے ملاقات کریں گے اور جو بھی مسائل ہیں انہیں وہ اقلیتی وزیر کے درمیان رکھیں گے۔
ان پیرا ٹیچر کا کہنا ہے کے لوگوں کا تبادلہ نہیں ہونے کا بےحد افسوس ہے۔
واضح رہے کہ گزشتہ روز اقلیتی وزیر صالح محمد کی رہائشگاہ پر کثیر تعداد میں مدرسہ پیرا ٹیچر پہنچے تھے اور اپنے تبادلہ کرنے کا مطالبہ کیا تھا اس کے بعد بھی ان کے مطالبات پورے ہیں کیے گئے۔
