راجستھان مسلم وقف بورڈ کے چیئرمین ڈاکٹر خانو خان بودھوالی نے کہا کہ ریاست کے ناگور ضلع میں مسلم وقف بورڈ کی جانب سے اگر الٹ پھیر اور بے قاعدگیوں پر کاروائی کی جاتی ہے تو اس میں اتنا فائدہ ہے کہ اس سے راجستھان حکومت کا ایک بجٹ جاری ہو سکتا ہے۔
راجستھان مسلم وقف بورڈ کےچیئرمین ڈاکٹر خانو خان کا کہنا ہے کہ راجستھان کے ناگور ضلع میں ایک ہزار کے قریب مسلم وقف بورڈ کی زمین اور جائیداد ہے، جن میں ناگور ضلع کا ناگور شہر، ڈیڈوانہ، مڑتا، پربتسر سمیت دیگر شہر شامل ہے۔
انہوں نے کہا کہ راجستان مسلم وقف بورڈ کی جانب سے اگر یہاں پر کاروائی کو عمل میں لایا جاتا ہے تو شاید اتنا پیسہ آئے گا کہ ہم اندازہ بھی نہیں لگا سکتے، انہوں نے مزید کہا کہ حکومت اپنا ایک سال کا بجٹ ناگور میں کاروائی کرنے کے بعد جاری کر سکتی ہے۔
چیئرمین کا کہنا ہے کہ جلد ہی ناگور میں بڑی کارروائی کو عمل میں لایا جائے گا۔
واضح رہے کہ ڈاکٹر خانو خان راجستھان مسلم وقف بورڈ کے چیئرمین بننے کے بعد وقف اراضی کے تحفظ کے لیے کئی کاروائیاں راجستھان کے مختلف مقامات پر کرچکے ہیں۔ اور وقف جائیداد میں پائی گئی بے قاعدگیوں میں ملوث افرادکے خلاف ایف آئی آر درج کروا چکے ہیں۔
