اجمیر: پانی کی سپلائی نہ ہونے پر احتجاج

ریاست راجستھان کے اجمیر شہر میں مختلف علاقوں میں پانی کی سپلائی نہ ہونے پر پانی کی دشواری کا سامنا کرنا پڑ رہا ہے۔ جس سے ناراض لوگوں نے احتجاج کیا۔

اجمیر شہر کے مختلف علاقوں میں بذریعہ واٹر ڈیپارٹمنٹ عوام کو وقت پر پانی نہیں سپلائی ہونے پر شہر والوں نے احتجاج کیا۔ ضلع اجمیر کے فائساگر روڈ کے مقامی باشندوں نے محکمہ واٹر ڈیپارٹمنٹ کے دفتر پہنچ کر مظاہرہ کیا۔

شہر کے دو نمبر وارڈ کے لوگوں کا الزام ہے کہ واٹر ڈیپارٹمنٹ کے ملازمین ان کی پانی سپلائی کی شکایت کو دور کرنے کے بجائے نظر انداز کر رہے ہیں، جس کی وجہ سے انہیں آج دفتر پہنچ کر احتجاج کرنا پڑ رہا ہے۔

شہر میں پانی کی دشواری کو لے کر مقامی باشندوں نے محکمہ واٹر ڈیپارٹمنٹ کے افسران کو میمورنڈم دے کر واضح کر دیا ہے کہ اگر ان کے مطالبات پر جلد عمل نہیں کیا جاتا ہے تو آئندہ دنوں میں شدید احتجاج کیا جائے گا۔