راجستھان: وقف جائیداد کے تحفظ کا مطالبہ

مقامی باشندوں کا کہنا ہے کہ ابھی حال ہی میں کربلا علاقے میں ایک کمرہ منہدم ہو گیا تھا۔ خدا کا شکر ہے کہ کسی طرح کا کوئی بڑا نقصان نہیں ہوا۔

راجستھان مسلم وقف بورڈ کے چیئرمین ڈاکٹر خانو خان بودھوالی گرچہ یہ دعوے کرتے ہوئے نظر آرہے ہیں کہ راجستھان کی وقف جائیداد کے تحفظ پر خصوصی توجہ دی جا رہی ہے لیکن ان کے یہ دعوے زمینی حقیقت پر کچھ اور ہی نظر آ رہے ہیں۔

راجستھان دارالحکومت جئے پور کے کربلا علاقے میں وقف بورڈ کی جانب سے بنایا گیا ایک کمرہ کچھ روز قبل زمین بوس ہو گیا۔

اس کمرے کے زمین بوس ہونے کی وجہ سے کسی طرح کا کوئی نقصان تو نہیں ہوا ہے لیکن علاقے کے لوگوں میں ڈر نظر آرہا ہے۔

مقامی باشندوں نے اس ضمن میں مسلم وقف بورڈ کے چیئرمین ڈاکٹر خانو خان بودھوالی سے مطالبہ کیا ہے کہ جو بھی وقف جائیداد بوسیدہ ہے۔ اس جانب توجہ دی جائے تاکہ مستقبل میں کسی طرح کا کوئی نقصان نہ ہو۔

مقامی باشندوں کا کہنا ہے کہ ابھی حال ہی میں کربلا علاقے میں ایک کمرہ منہدم ہو گیا تھا، خدا کا شکر ہے کہ کسی طرح کا کوئی بڑا نقصان نہیں ہوا۔

مقامی باشندوں کے مطابق 'علاقے میں وقف جائیداد کی کوئی بھی دیکھ ریکھ نہیں کی جا رہی ہے اور اس سلسلے میں ہم چیئرمین سے مطالبہ کرتے ہیں کہ وہ ایک مرتبہ اس علاقے کا دورہ کریں اور حالات کا جائزہ لیں۔'