اجمیر: اجمیر شریف کی درگاہ پر 811 واں سالانہ عرس کا سلسلہ جاری ہے۔اس موقع پر چادر کے جلوس کے موقع پر سیکیورٹی کے سخت انتظامات کئے گئے تھے۔ عرس کی خصوصی محفل درگاہ کے آستانہ شریف کے باہر بیگمی دلان میں ہوئی۔ عرس کنوینر حاجی سید حسن ہاشمی کے مطابق ہر سال عرس کے موقع پر انجمن سید زادگان کی جانب سے بارگاہ میں چادر چڑھا کر ملک کی ترقی و خوشحالی کی دعا کی جاتی ہے۔بالخصوص حضرت خواجہ غریب نواز رحمتہ اللہ علیہ کی نگاہ کرم کی دعائیں مانگی جاتی ہیں۔ انجمن کے صدر سید غلام کبریا چشتی نے درگاہ کے اہتا نور میں کھڑے ہوکر خصوصی دعا کا اہتمام کیا-
یہ بھی پڑھیں:Fight In Dargah بریلوی طبقے پر خواجہ غریب نواز کی درگاہ میں مار پیٹ کرنے کا الزام
صوفی بزرگ حضرت خواجہ غریب نواز رحمۃ اللہ علیہ کا عرس مبارک 9 رجب کو بڑے کل کی رسم کے ساتھ اختتام پذیر ہوگا۔ اسی سلسلے میں ملک بھر سے زائرین اجمیر شریف قیام کئے ہوئے ہیں۔توجہ کی خواجہ صاحب کے عرس مبارک کے بڑے کل کی رسم 9 رجب المرجب بروز بدھ کو ادا کی جائے گی،اس میں گلاب جل کیڑا اور عطر سے خواجہ صاحب کے مزار اقدس کے آس پاس کی در و دیواروں کو زائرین عقیدتمند اپنے ہاتھوں سے غسل دیں گے۔
