اجمیر: سابق وزیر جناردھن نے کرناٹک میں اپنی نئی پارٹی بنائی ہے اور میڈیا کو بتایا کہ نوجوان پارٹی میں بڑھ چڑھ کر حصہ لے رہے ہیں۔ درگاہ پر چاردر چڑھانے کے بعد چشتی فاؤنڈیشن اجمیر کے صدر سلمان چشتی نے بھی جناردھن ریڈی کو امن ایوارڈ سے نوازا۔ کرناٹک کے سابق وزیر جناردھنا ریڈی اپنے اہل خانہ کے ساتھ اجمیر حضرت خواجہ غریب نواز رحمۃ اللہ علیہ کی درگاہ پہنچے۔ جہاں انہوں نے الصباح خواجہ غریب نواز کی درگاہ پر مخملی چادر کے ساتھ عقیدت کے پھول چڑھائے۔ اس موقع پر چشتی فاؤنڈیشن کے صدر حاجی سید سلمان چشتی بھی موجود تھے۔ اس کے بعد سابق وزیر ریڈی چشتی فاؤنڈیشن کے دفتر پہنچے اور میڈیا سے بات کی۔
انہوں نے کرناٹک کی عوام کی خوشحالی اور ملک میں امن و بھائی چارے کے لیے دعا مانگی۔ انہوں نے کہا کہ خواجہ صاحب کی درگاہ پر حاضری دینے کا مقصد ملک میں امن و امان اور بھائی چارگی قائم رہے۔ سیاسی رہنما نے بتایا کہ حال ہی میں انہوں نے کرناٹک میں اپنی نئی پارٹی بنائی ہے۔ خواجہ صاحب کی بارگاہ میں آنے کا اصل مقصد بھی یہی ہے۔ انہوں نے دعا کی ہے کہ نئی پارٹی اپنا مقام حاصل کرے اور کرناٹک کے لوگوں کے لیے اچھا کام کرے۔ اس نئی پارٹی کو کرناٹک کے لوگوں سے حمایت مل رہی ہے۔ کافی پیار مل رہا ہے۔ ریاست میں ہونے والے انتخابات میں پارٹی تقریباً تمام جگہوں سے اپنے امیدوار کھڑے کرے گی۔
یہ بھی پڑبھیں:Shiv Sena Leaders Reach Ajmer Sharif شیو سینا کے رہنماوں نے اجمیرشریف کی درگاہ پر چادر پیش کی
اس موقع پر چشتی فاؤنڈیشن کے صدر حاجی سید سلمان چشتی نے کہا کہ خواجہ جسے بلاتے ہیں وہیں آتا ہے۔ محبت سب کے لیے، نفرت کسی سے نہیں کا پیغام ہندوستان کے ہر گھر تک پہنچنا چاہیے۔ اس موقع پر چشتی فاؤنڈیشن کے چیئرمین سید سلمان چشتی نے کرناٹک کے سابق وزیر جناردھن ریڈی کو گلوبل ایوارڈ سے نوازا۔
