ریاست راجستھان کے دارالحکومت جے پور کے رام گڑھ موڑ پر واقع کربلا کی درگاہ کو پولیس کی جانب سے پوری طرح سے سیل کر دیا گیا ہے، آج کسی کو بھی کربلا کی درگاہ میں داخل نہیں ہونے دیا جائے گا، درگاہ کے سبھی راستوں پر پولیس کی جانب سے بیری کیڈ لگا دیے گئے ہیں۔
جو بھی عقیدت مند یہاں پر آرہے ہیں وہ باہر سڑک پر سے ہی اپنی بندگی کا اظہار کرتے ہوئے دعا مانگ رہے ہیں اور روانہ ہو رہے ہیں۔
کربلا کی درگاہ اور آس پاس کے علاقے میں ریاستی پولیس کے جوان تعینات کر دیئے گئے ہیں، پولیس کے ساتھ ساتھ آر اے سی بٹالین، ایس ٹی ایف، ہوم گارڈز، کیو آر ٹی سمیت صحت دیگر بٹالین تعینات کر دی گئی ہے۔
وہیں پولیس کے جوان گاڑیوں میں آس پاس کے علاقوں میں گشت کرتے ہوئے بھی نظر آرہے ہیں، پولیس کے اعلیٰ افسران ہر ایک چیز پر نگاہ بنائے ہوئے ہیں۔
برہم پوری پولیس تھانہ انچارج بھرت سنگھ کا کہنا ہے کہ کوروناوائرس کے خطرات کو روکنے کے لئے ریاستی حکومت نے جو گائیڈلائن جاری کی ہے اس پر عمل کرتے ہوئے آج کے دن درگاہ کو سیل کر دیا گیا ہے اور عقیدت مندوں کو واپس جانے کے لئے کہا گیا گیا ہے۔
واضح رہے کہ جےپور کے کربلا علاقے میں پولیس کے ساتھ ساتھ جو مقامی باشندے ہیں وہ بھی کافی زیادہ انتظامات کو بہترین بنانے کے لیے تعاون پیش کر رہے ہیں، وہیں پولیس محکمے کے اعلیٰ افسران کی جانب سے گزشتہ شب کو پولیس اور مقامی باشندوں نے ایک ساتھ اجلاس کا انعقاد کیا، جس میں مقامی باشندوں نے پوری طرح سے پولیس کا تعاون کرنے کا بھروسہ بلایا تھا۔
