اجمیر کے جے ایل این ہاسپٹل کے وارڈوں کا کافی برا حال ہے جس کے سبب نہ صرف مریضوں کو بلکہ ان کی عیادت کے لیے آنے والے رشتہ داروں کو بھی پریشانی کا سامنا کرنا پڑتا ہے۔
یہی وجہ ہے کی چند مسلم نوجوانوں اور یوتھ کانگریس کے کارکنان نے مل کر شہر کے ذمہ داران کو اس مہم سے جڑنے کی گزارش کی ہے۔
اس مہم کے تحت النور ویلفیئر سوسائٹی کی جانب سے جے ایل این کا چلڈرن وارڈ کو گود لیا گیا ہے, اسی سلسلے میں اجمیر شریف درگاہ کے خادم سید مولانا محمد مہندی میاں نے بھی ہاسپیٹل انتظامیہ سے ملاقات کر ان کی ضرورتوں کے مطابق سازوسامان اسپتال کو فراہم کیں۔
یوتھ کانگریس
یوتھ کانگریس کے ضلعی صدر سید یاسر چشتی کا کہنا ہے کہ جس طرح مریضوں کا علاج کرنا ڈاکٹروں کا اپنا فرض ہے اسی طرح عام افراد کی بھی ذمہ داری ہے کی وہ خود بھی اسپتال اور مریضوں کی ضرورتوں کا خیال رکھیں۔
