رحمانیہ برادری کی جانب سے آج بھارتی ریاست راجستھان کے دارالحکومت جے پور میں واقع بڑی رحمانیہ مسجد میں اجتماعی شادی پروگرام کا اہتمام کیا گیا۔ رحمانیہ برادری کی اس اجتماعی شادی میں 22 جوڑوں نے نکاح قبول کیا اور ایک نئی زندگی کا آغاز کیا، آنے والے اتوار کے روز دارالحکومت جے پور کے کربلا میدان میں دعوت ولیمہ کا اہتمام بھی رحمانیہ برادری کی جانب سے کیا جائے گا، رحمانیہ برادری کے ایڈووکیٹ عابد رحمانی نے بتایا کہ آج رحمانیہ برادری کی جانب سے نوا اجتماعی شادی پروگرام جے پور میں منعقد کیا گیا ہے۔
انہوں نے بتایا کہ عالمی وبا کورونا کے قہر کی وجہ سے گزشتہ دو برس سے اس طرح کے پروگرام کا اہتمام نہیں کیا گیا تھا، اب کورونا وبا کا قہر کم ہوچکا ہے اس لیے یہ بڑا پروگرام منعقد ہورہا ہے، انہوں نے بتایا کہ مستقبل میں بھی اسی طرح کے اجتماعی شادی پروگرام ہم لوگوں کی جانب سے منعقد کیے جاتے رہیں گے، اس دوران رحمانیہ برادری کے لوگ کثیر تعداد میں موجود رہے،
- یہ بھی پڑھیں:جے پور: پیرا ٹیچرز کا مہا پڑاؤ ختم، دھرنا جاری رکھنے کا اعلان
- اجمیر: مال بردار گاڑی کی زد میں آنے سے نوجوان ہلاک
اس تقریب میں مہمان خصوصی کے طور پر یہاں پر شرکت کرنے کے لیے رکن اسمبلی امین کاغذی پہنچے تھے، یہاں پر رکن اسمبلی کی جانب سے تمام دولہا دلہن کو مبارکباد پیش کرتے ہوئے تحفے بھی تقسیم کئے گئے۔
