ریاست راجستھان کے دارالحکومت جے پور کے بنی پارک علاقے اجے یادو نامی شخص کا گولی مار کر قتل کردیاگیا ۔بتایاجارہا ہے اجے یادوجے پور کے صدر تھانہ علاقہ کا ہسٹری شیٹر تھا-
اجے یادو اپنی گاڑی سے کہیں جارہا تھا اسی دوران اسکوٹی پر سوار چار لوگوں نے بنی پارک علاقے میں اجے یادو پر فائرنگ شروع کر دی، فائرنگ کے بعد میں جب ان چاروں کو یہ لگا اجےیادو دم توڑچکا ہے تو وہ موقع واردات سے فرار ہوگئے۔فرار ہونے سے قبل چاروں نے مل کر اجے کے سر کو بھی کچل دیا۔
مقامی لوگوں نے اس واقعے کی اطلاع بنی پارک پولیس تھانے کو دی۔ جس کے بعد پولیس کی ٹیم موقع واردات پر پہنچ کر اجے یادو کی لاش کو سوائی مان سنگھ اسپتال پہنچایا۔جہاں ڈاکٹرز نے اسے مردہ قرار دیا۔ اسپتال میں اجے یادو کی لاش کی پوسٹ مارٹم کی گئی۔ اس واقعہ کے بعد علاقہ میں خوف و دہشت کا ماحول ہے۔
مزید پڑھیں:بدنام زمانہ ملزم نے کانگریس رہنما کا قتل کردیا
پولیس کی جانب سے پورے شہر میں ناکہ بندی کرائی گئی ہے تاکہ مجرموں کی گرفتاری کو یقینی بنایا جاسکے۔ پولیس اس پورے معاملے کی تحقیقات کر رہی ہے۔
