ریاست راجستھان کے دارالحکومت جے پور کے گھاٹ گیٹ علاقہ میں واقع قبرستان کی وقف زمین پر تعمیری کام کروایا جا رہا ہے، اس تعمیری کام کو لے کر سوشل میڈیا پر عوام کی جانب سے تعیمری کام نہیں کرائے جانے کی اپیل کی جارہی ہے۔
اسی سلسلے میں ای ٹی وی بھارت کی ٹیم مفتی خالد ایوب مصباہی کے پاس اس بات کا جائزہ لینےکے لیے پہنچی کہ اس موضوع پر ان کا کیا کہنا ہے۔
میڈیا سے بات چیت کے دوران انہوں نے بتایا کہ اسلامی شریعت کے مطابق جس جگہ کو جس مقصد کے لیے وقف کیا گیا ہے اس کا استعمال اسی کے لیے کیا جا سکتا ہے، لہذا اگر کوئی جگہ مسجد کیلئے وقف کی گئی ہے تو وہاں پر مسجد بنے گی، جو جگہ مدرسے کے لیے دی گئی ہو وہاں پر مدرسہ بنے گا اور جو جگہ قبرستان کے لیے دی گئی ہے اس جگہ پر قبرستان بنے گا، وہاں کوئی دوسری چیز تو تعمیر ہی نہیں ہو سکتی۔
انہوں نے کہا کہ جو زمین اگر مدرسے کے لئے وقف کی گئی ہے وہاں پر مسجد بھی تعمیر نہیں ہو سکتی اور کوئی قبرستان کی زمین ہے وہاں پر بھی کوئی مسجد تعمیر نہیں ہو سکتی۔لیکن اگر کہیں پر کوئی رکاوٹ نہیں آئے اور شرعی مسئلہ نہیں ہو تو وہاں نماز پڑھی جاسکتی ہے۔
